Қазақстан Республикасының Президенті

Қасым-Жомарт Кемелұлы Тоқаев 1953 жылы 17 мамырда Алматы қаласында дүниеге келген. Әкесі-Кемел Тоқайұлы Тоқаев (1923-1986), Ұлы Отан соғысының қатысушысы, белгілі жазушы, қазақ әдебиетіндегі детективтік-шытырман жанрдың негізін қалаушы. Анасы-Тұрар Шабарбаева (1931-2000), Алматы шет тілдер педагогикалық институтында жұмыс істеген. Қ.Қ. Тоқаев 1975 жылы Мәскеу Мемлекеттік Халықаралық қатынастар институтын (ММХҚИ) бітірген, диплом алдындағы тағылымдамадан КСРО-ның ҚХР-дағы елшілігінде өткен, 1983-1984 жылдары Пекин лингвистикалық институтында тағылымдамадан өткен. 1992 жылы РФ Сыртқы істер министрлігінің Дипломатиялық академиясын бітірді. Еңбек жолын 1975 жылы КСРО Сыртқы істер министрлігінде бастап, Кеңес Одағының Сингапур Республикасындағы Елшілігіне жұмысқа жіберілді. 1979 жылы КСРО СІМ аппаратына оралды. 1984-1985 жылдары КСРО СІМ-де жұмыс істеді, содан кейін Қытай Халық Республикасындағы кеңес елшілігіне жіберілді, онда 1991 жылға дейін жұмыс істеді